اهلاً بالعيد..
ليش محتار ؟ ...
ادخل يا عيد
وسجّل من جديد
صلاة ورحمة
لكل شهيد...
وبوسة وحلاوة
لكل طفل
جديد
ادخل يا عيد..
بكل حي
وشارع وبيت
وكوللهم ليش اجيت ..
كوللهم
اجيت ادعو من ربي
يعيد حلاوة اللّمة
لأهلك واصحابك
وكل اهل الهمّة
اجيت
اريد اسمع صفكة ..
واشم ريحة كهوة
بطعم الكليجة والجكليت
كوللهم ليش اجيت ؟
اجيت اعلمكم
شكد الحقد والكره
والفرقة تزيد الظلمة
وشكد الأخوّة
تزيل الغمّة
وخلي شعاركم ...
نعم للعراق
لا للطائفية
والكره والنفاق
وارفع راية السلام
وارسم صورة
بيها سعفة وطير
واكتب جواها ..
يا عراق
كل عام وانت بخير
ليست هناك تعليقات:
إرسال تعليق