وعد الحر دين

  شعر شعبي باللهجة العراقية الجنوبية
 

 وعد الحر دين ...


من طيبتي
صرت اطبطب على روحي واكللها
يلا .... انتي مسامحة
والمسامح عند الحب ايقونه
وياما دست على الجرح
وسبب الجرح
انتوا كلش زين تعرفونه
وياما زرنا مقامكم بالمضايف
وانتوا حتى بمضيفكم ما ضيفتونا

چا هيچ الوفا ؟
وهيچ الوفي توفونه ؟
چا وين الوعد وبالوعد
عند الحر يوفي ديونه ؟
حيف على التعب وياكم
ومن بعد كل المشاوير
بوسط الدرب عفتونه