( حياك يا وطن )
أمس بالليل جفاني النوم
وتذكرتك يا وطن
وتذكرت ايامك
وتذكرت من جنا نغفى سوا
على نغمات الجيلات
و سوى نغني
[ياكاع ترابج كافوري]
بعرس ويلادك
غدروك يا وطن. .. غدروك جيرانك
من عرب الخيم والكرب
كسروا بيبانك
ودخلوا الحراميه بزود الخيانه...
وهدّموا عمْدانك
بس ما تطيح يا وطن . حت لو جفت انهارك
ومن تنخا. 【ها..خوتي ها.. 】
من كل حدب وصوب يلتمن ثوارك .
الوطن مو فيصل ونوري
ولا نفطات يجرن من بوري
لا هذا ابو عمامه..
و لا هذا عمك وذاك خالك
الوطن هويه وتاريخ
والصيت عابر مريخ
والله يشهد على علومك ،
وكل افعالك
انت نار على علم
والكل يشهد انت اول قلم
لأول حرف انخط بكتابك
ومن شفايف ا لنهرين
ومن حب الصوبين
ارتوى عطش كل اجيالك
انت ابد ما تموت يا وطن
ولاتثنيك المحن
لأن اكو رجال
يفدون روحهم بدالك
وبدمهم يروون الكاع
ويدوسون على روس الرعاع
ويعيدون الأمجاد
لكل اهلك واحبابك
ليست هناك تعليقات:
إرسال تعليق