جبرانيات
الجمعة، 30 أكتوبر 2020
الجمعة، 23 أكتوبر 2020
مجنون فلانة...
الظاهر انا مجنون بشخابيطي.
بس هم تحمّلوني....
(مجنون فلانه ... )
يكولون قيس بليلى
وجميل ببثينة مجنون
ثاري مو بس ابن الملوّح وابن معمّر
اني هم بالحب سموني مجنون
شلون ما اجن؟
وهي اللي صابتني بنظراتها
بسهم سحر العيون
مو هيج أهل الشعر يكولون ؟
وتريدون ما أجن؟
شلون ما اجن؟
اذا بمشيتها كل الهيبة
ومن صوت خلخالها اهل الموسيقى
اوتارهم يدوزنون
شلون ما اجن ؟
واني الّي من عشكها ومن عطر أنفاسها
من خلقت مسكون
شلون ما أجن؟
إذا كل بنات آدم من غضاضتها يغارون
وإذا كل اللي يشوفوها ويشوفون حسنها
بالشماعية يصفون
بس اني فاتنتي مو (بثينة) ولا (ليلى)
فاتنتي.... (فلانة ...)
و(فلانة... ) بفتنتها كل البشر يحجون
وتردوني ما اجن ؟
شلون ما أجن و(فلانة...) إذا
نامت
غابت الشمس وياها وتنطفي كل النجوم
وبغيبتها يختفي كل طعم ويزول كل لون
وإذا صْحَتْ
مو بس الشمس تصحى
حتى الكُمر والنجوم .
وبصبحها يصحى كل الكون
وتريدوني ما اجن؟
شلون ما أجن ؟
إذا اني مو بس بأحلامي ويا (فلانه...)
اني حتى بشخابيطي اصبحت مجنون .
Astefan Odisho
الاثنين، 12 أكتوبر 2020
نداء. !!!
نداء للطُّغاة
ها هي النجوم بدأت تنزف
من أصوات الآهات
ومن أنفاس الشتاء تتجمد الهمسات
واللليل البهيم يلقي باهواله
بين طيات المتاهات
وصوت صفير الهواء متسارعاً
يشق اكفان الرُفات
والدفء يبحث عن مسكناً
لكن ....هيهات
القمر بضوئه يترنح بين الغيوم
يرسم اشباحا وخيالات
لأناس بالأمس كانوا لصوصاً
واليوم اصبحوا جنرالات
الكل يتهيأ للسُّبات
فها هو الشتاء بقساوته
عما قريب آت
ارحموا من في الأرض
يرحمكم من في السماء
هكذا قالت الأحاديث والروايات
هناك أطفال جياع، عُراة،
لا يعرفون كيف يكون للمستقبل صفات
لايفهمون معنى المحاصصة ولا يهتمون بالتخصيصات
كل همهم أن تملأ بطونهم الوجبات
وان يلتموا تحت سقف بلا شِتات
وان يضحكوا ويمرحوا كاقرانهم
من أبناء الذوات
وان ينعموا من دفء وحنان
في أحضانٍ الأمهات
لا أن تأويهم التقاطعات
ويفترشون الطرقات
يتسولون الرائح والآتي
في صخب السيارات
عسى ان ينعم احداًعليهم
بعدد من العملات
يسدون بها عوائلهم من رمقٍ
ومن شبح الممات
فيا أيها الحكام الطغاة
وانتم يا اصحاب العمامات
إهكذا اوصتكم دياناتكم
تبيعون ضمائركم واوطانكم للغزاة؟
وأن تشبعوا بطونكم
وتغدقوا على انفسكم الملذات
وان تتركوا الرعية بلا رُعاة؟
حتى الكفرة لم يفعلواها
وهم عبيداً لاصنام اللاة
متى ستفهمون أنكم
كنتم
ولا زلتم
وستبقون حثالات؟؟
ورب العزة كنتم
ولا زلتم
وستبقون
حثالات
وستبقون حثالات
إلى يوم الممات ..
Astefan
الاشتراك في:
الرسائل (Atom)