يا ثورة العشرين ..!!
هم يجي يوم وترجعين يا ثورة العشرين ؟
يمتة ترجعين وتخلصينا من ذولة المُشَعوذين ؟
إذا بزَمَنْ الفالة والمكوار هْزَمنا أهل الطُوب
ليشْ ما نكدرلهم وأحنة بقرن الواحد والعشرين ؟
رجعي ياثورة العشرين
باكوا ونهبوا وما خلّو شي
لحْسَوا حتى المُواعين
مْنْ نتمَرّضْ ماكو ألنا دُوَة
وما نلكه لو حَبّة أسبرين
ومْنْ يصير بيهم بُواسير
يحطّون عليها اكثر من 5 ملايين
تَرَةَ ذولة لاذمّة ولامَذهَبْ ألْهُمْ
وحتّى بلَيَّ دينْ
الطائفية الهُم زَادْ
وما يلوكلهُم من يتاجرون بأسم الحسين
وعَلي .. وحيدر الكرّار .. والحَمزة أبو حزامين
لو يعرفون هيجي تْنْحَرْفون
جان ما خلوكم على ذمّة المُسلمين
درجْعي ياثورة العشرين
رجْعي وشوفي السنّي والشّيعي
والكُردي والمَسيحي. جانوا مثل الأخوة
ودوم يمشون ثنين ثنين
هسة احمد صار إرهابي
وحيدر يسمي حَنّا من الكافرين
كافي طائفية . مو ملّينا حتّى لثْنين
ولا هذا مُسلم ..وذاك مَسيحي
لو هذا صُبّي .. وذاك مدري منين
ترة لا الله ولا أنبيائه يرضُون بيها
مو بَس الحسين
****
متكوليلي أمتا ترجعين ياثورة العشرين ؟؟
ليست هناك تعليقات:
إرسال تعليق