شعر شعبي
يا ريل
مَرْ بيّ قطار العمر
وبغفلة ....تعداني
صحت يا ريل .....
خذني وياك
لآخر محطتك.
هذا اني .....
ناطر من زمان على الرصيف
واسمع صفيرك باذاني
متاني جيّتك على أحر من الجَمر
وانا اكول .. هذا الوفي
ما يوم خان وأذاني
خذني يا قطار وياك
خذني لخلّي الثاني
حطني بأحضان الحبيب
وهناك انساني .
خليني اشم ريحتة زين
ولملم من ترابة بأحظاني .
حَنيت اضوك طعم الطْيبْ
واسمع مقامات وأغاني
حنيت لضفاف دجلة
وفياي النخل
وكتب العاني
حزين يا وطن
حزين هواي بعد ان غزوك الأوباش
وبعد ما نهبوك الحرامية
وضاعت كل المعاني
وبعد ان تشتتوا هلي
بأطراف الكون
وغريب بقيت آني
ناداني الشوك
وطلب مني انسى كل الأحزان
واترك كل اليّ مضى
وابدأ شوط ثانِ
وتظن يا الحبيب لو زرتك
تبدد احزاني ؟؟؟ ..
